واللـه .. يا صوتك المبحـوح لـه وحشـه بقلمي

والله يا صوتك المبحوح له وحشه
..................لا جا أثـيره وبح بح وسط جوالي

يا كنّي وحبال صوتك نلعب "الحبشه"
............ ... امسك شليله وهو يمسك لي عقالي

القلب لا قلت "ألو" تاتيله الربشه
...........ولا قلت "كيفـك" يدينـي تقطـع سمالي

وش لك بعودٍ يدلدل ميلته رعشه ؟
................. وصفه الا من ذكرتك يشبه لحالي

اما تركته ومدد جمبكم نعشه
................ والا إلحقه ما بقى بالعمر معدالي

يكفيك علم المطر من غيمها رطشه
............. ويكفيك حالي عيونن تسبـق اقوالي

ويكفيك قلب(ن) لقيته شايلن(ن) عفشه
............ يمّك ضرب له طريقن جرهدن خالي

يومين مرّن وانا في لوعتك "برشه"
...........لو غبتي اكثر ؟ وش الي منك يجرالي؟

هذا الذي له نجوم الليل مندّهشه
....... وهذي سبايب عزوف الشمس يالغالي

لا جيت انادي عليكم.. والله البلشه
.............اوحيت رجع الصدى يرجز بموالي

ولا قلت: يمكن يمر طيفي على رمشه
............ضاقت رموشك علي وزاد غربالي

ولا قلت : ابنسى شجوني وانوي النحشه
.................جاني "بو نوره" وكنّه قصد غنّا لي

ايّوووه يا صوته المبحوح له وحشه..
...............يظناني الشوووق كل ما دق جوااالي

قصيدة جميلة في انتظار المزيد

يسلمو على الكلمات الرائعه ونتظر الاشيا الحلوه

chokran